Дьону — сэргэни бииргэ түмпүт, сэргэхсиппит умсугутуулаах «Күһүнү көрсө Алдаҥҥа» спиннининэн балыктааһын күрэҕэ бэрт ситиһиилээхтик буолан ааста.
«Байанай аартыга» дьоһун миэстэҕэ Түүлээх нэһилиэгин олохтоохторо уонна ыаллыы сытар Бээрийэ нэһилиэгиттэн барыта 22 балыксыт, оҕолуун улаханныын күрэххэ көхтөөхтүк кытынна.
Күрэх аһыллыыта 14:00 чааска саҕаламмыта, ол кэннэ Түүлээх нэһилиэгин дьаһалтата күрэхтэһээччилэри сылаас миининэн, чээйинэн, нэһилиэкпит олохтоохторо Кирилл Пестряков дьиэ кэргэнэ тэрээһиҥҥэ анаан бэрсибит сордоҥ балык миининэн, культура бэтэрээнэ Евдокия Иванова алаадьынан күндүлээтилэр.
15:00 чааска күрэх саҕаланан, Алдан эбэбит биэрэгинэн кыттааччылар тэнийэн туран балыктаатылар.
Күөх Боллох бэлэхтээбитинэн бэрт долгутуулаах күрэх түмүгүнэн кыайыылаахтар быһаарылыннылар. Түмүк хаптарыллыбыт балык ахсаанынан тахсыбыта.
1 миэстэни 7 балыгы хаптаран Николай Малагин (Түүлээх нэһилиэгэ) кыайыылаах аатын ылла. Бирииһи туруордулар: краевед, Саха республикатын үөрэхтээһинин туйгуна, РФ үөрэхтээһинин бочуоттаах үлэһитэ, Түүлээх нэһилиэгин бочуоттаах олохтооҕо — Ионов Иван Иванович дьиэ кэргэнэ.
2 миэстэ — 6 балыктаах Николай Саввин (Түүлээх нэһилиэгэ) буолла. Бирииһи олохтоотулар: бааттаах балыксыт, булчут Жирков Степан Степанович оҕолоро, сиэннэрэ.
3 миэстэҕэ 3 балыктаах Туйаара Новгородова (Түүлээх нэһилиэгэ) тигистэ. Бирииһи туруорда: СӨ үөрэҕириитин туйгуна, “Гражданскай килбиэн”, “Уус Алдан улууһугар үөрэх сайдыытыгар кылаатын иһин», Уус Алдан улууһун, Түүлээх нэһилиэгин социальнай – экономическай сайдыытыгар кылаатын иһин” бэлиэ хаһаайына, Уус Алдан улууһун, Түүлээх нэһилиэгин бочуоттаах олохтооҕо Жирков Геннадий Михайлович.
Ону таһынан: «Бастакы балык» анал ааты Николай Саввин (Түүлээх нэһилиэгэ) ылла. Бирииһи туруорда: Түүлээх нэһилиэгэр 15 сыл устата кадровай булчутунан, айылҕа харыстабылын инспекторынан үлэлээбит Волков Николай Спиридонович кэргэнэ Афанасьева Марфа Семеновна.
«Улахан балык» анал бирииһи ылла Сазонов Константин (Бээрийэ нэһилиэгэ). Бирииһи олохтоотулар: балыксыт, “Сахабулт” акционернай общество кадровай булчута; 2007, 2012 сс. республикаҕа “Үрдүк көрдөрүүлэрин иһин” анал аат кыайыылааҕа; 2021 с. Саха республикатын 10 бастыҥ булчуттарын чиэстээһин кыттыылааҕа – Сыроватский Николай Серафимович дьиэ кэргэнэ.
«Эдэр кэскиллээх балыксыт» анал ааты ылла Түүлээх орто оскуолатын 8 кылааһын үөрэнээччитэ Кузьмин Айсаар. Бирииһи туруордулар: сэрии бэтэрээнэ, сааһын тухары өрүскэ балыктаабыт балыксыт Винокуров Захар Васильевич уола – Винокуров Владимир Захарович дьиэ кэргэнэ.
Спонсордарбытыгар барҕа махталбытын тириэрдэбит! Күрэх кыттыылаахтарыгар, көрөөччүлэргэ, тэрийээччилэргэ махтанабыт. Инникитин да Түүлээх нэһилиэгэр маннык кэрэхсэбиллээх, дьону — сэргэни түмэр «Күһүнү көрсө Алдаҥҥа» тэрээһиммит өссө да, сыл ахсын ыытылла турдун!